نكتة حلوة حبيت انقلها لكم :
كان مرة فيه قبطان مغوار.. بيحبوه البحارة ع سفينتو كتير كتير… وماكان حدا قادر يهزمو ولا بأي شكل… مرة من المرات بعق زمور الخطر بالسفينة… قلهم القبطان شوفيه… قالولوا فيه سفينة قراصنة بدها تهاجمنا… قلهم أعطوني قميصي الأحمر… عطوه قميصو الأحمر… لبسو… سحب سيفو… ونزل سفق بهالقراصنة هوي والبحارة لحتى فازوا…
هيك … بعد كام يوم بعق الزمور مرة تانية وقالوا للقبطان فيه سفينتين قراصنة بدهم يهاجمونا… كمان… قلين أعطوني قميصي الأحمر… لبسو.. ونزلوا سفق بالقراصنة لحتى فازوا….
بالسهرة كان نائب القبطان بغرفة القبطان.. قام سألو.. ليش قبل كل معركة بتلبس القميص الأحمر؟
قلو القبطان… هادا منشان إذا انجرحت بالمعركة ما يبين الدم وهيك ما بيخافو البحارة وبيضلوا يقاتلوا بنفس العزيمة كأني ماني منصاب…
لسا الزلمة ما لحق كمل حكي… بعق زمور الخطر… طلع القبطان لبرا وسألهم “ولك شوفيه؟؟” قالولوا فيه عشر سفن قراصنة بدها تهاجمنا
قلهم القبطان “أعطوني بنطلوني البني!
